Ждрепката за англискиот Лига куп донесе големо дерби уште во третото коло

Најквалитетните англиски клубови ќе се приклучат во третото коло на англискиот Лига (Карабао) куп, а денешната ждрепка донесе големо дерби уште во оваа рана фаза.

Ливерпул ќе го пречека Челси во најинтересниот дуел во оваа рунда, одлучи ждрепката чии главни актери беа Дејвид Симан и Џолиан Лескот, додека актуелниот освојувач Манчестер Сити ќе му гостува на Оксфорд.

Манчестер Јунајтед пред своите фанови го пречекува Дерби чиј менаџер е Френк Лампард, Арсенал во лондонска пресметка ќе се соочи со Брентфорд, додека противник на Тотенхем ќе му биде Вотфорд. Во преостанатите две премиерлигашки соочувања, Евертон ќе игра против Саутемптон, а Вест Хем ќе му биде домаќин на Кристал Палас.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.