Страшна сообраќајка кај Ниш: „Мерцедес“ отишол во спротивна лента и се забил во возило, загина трудница и нејзиното бебе

43 – годишен Хрват е уапсен во Србија откако со својот Мерцедес во близина на Ниш преминал во спротивната лента и удрил во автомобил кој го управувала 33 годишна бремена жена која го загубила животот. И покрај напорите на лекарите да го спасат нејзиното бебе, тоа утрово починало во болница по успешниот царски рез, пишува Блиц.

Полицијата го сомничи возачот на Мерцедесот дека излегувајќи од кривина влегол во спротивната насока и удрил директно во автомобилот кој го управувала сега починатата жена.

Заедно со кривична пријава бил предаден на надлежниот суд, каде ќе одговара кривично.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.