Можностите на милениумската генерација – како да се пробиете на светскиот пазар на фриленсери

Една од основните работи што се најбитни за генерацијата 2000 да може успешно да се натпреварува на светскиот пазар на фриленсери од сите области е добриот квалитет кој се добива исклучиво и само со силна наобразба и интензивно следење на светските трендови. Тука, покрај формалното образование, кое се стекнува на факултет, потребна е и континуирана наобразба и континуирано следење на новите трендови. Сè попознати се онлајн платформите за неформално образование на кои може да добивате часови по предмети што сами ќе ги изберете и да ги искомбинирате на начин кој вам ви одговара. Нивната голема предност е што се во тек со последните откритија на науката и технологијата, а предметите може да ги комбинирате по свој избор. На пример, експерт по ИТ-технологии може да направи комбинација на ИТ-предмети и предмети по биологија, за да најде примена на своите знаења кон развивање на софтвер кој може да се примени во проучувањето на живиот свет на планетата. Вакви примери има безброј.

Следна предност на овие платформи е што се многу флексибилни и за да ги следите ви треба само компјутер, значи традиционалниот начин на учење каде физички мора да сте на едно место се напушта. Тоа ги прави подостапни и секако полесни за следење. Иако дел од нив се бесплатни, најквалитетните треба да бидат платени. Тука доаѓа улогата на државата која треба да го промени класичниот начин на стипендирање поврзан исклучиво со формално образование на факултет и да почне да го стипендира и овој начин на образование, со јасни критериуми кој и за што може да добие стипендија.

Целата колумна на Александар Николоски за Независен весник можете да ја прочитате ТУКА.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.