СЕХА лига: Металург го намачи Вардар

Вицешампионот Металург му прореди пекол на шамионот Вардар во салата „Јане Сандански“ на првиот натпревар во СЕХА. „Црвено–црните“ успеаја да го израмнат резултатот дури во четириесетата минута од натпреварот – 20:20. Потоа падна концентрацијата кај избраниците на тренерот Данило Брестовац, по што Вардар успеа да се одлепи на недостижни пет-шест гола разлика.

Рожерио Мораеш со осум гола беше најефикасен во победничкиот тим, Дибиров заврши со пет, а по четири постигнаа Криштопанс, Чупиќ и Шишкарев. Кај Металург нападот го предводеше Халил Јагањац со максимални шест од шест, а Томилсав Јагуриносвки и Филип Кузмановски завршија со по четири погодоци.

На овој натпревар за шампионот во СЕХА лига не играа повредениот капитен Стојанче Стоилов, Игор Карачиќ и Вуко Борозан, додека кај Металург недостасуваа новите играчи, Адријан Миличевиќ и Предраг Мијатовиќ.

Во следното коло кое ќе се игра на 4 септември, Металург ќе му гостува на Мешков Брест, додека Вардар на домашен терен ќе се сретне со Железничар Ниш.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.