Ефтов: Име „Северна Република Македонија“ не е трајно решение за македонското прашање

Новинарот и директор на ТВ Алфа, Васко Ефтов, синоќа гостуваше во емисијата „Отворено“ на оваа телевизија. Според него, името „Северна Република Македонија“ не е за долгорочно решение.

-Дали не ви е чудно дека целото сегашно раководство на ВМРО-ДПМНЕ, ниту еден не е член на Парламентот. Ни Христијан Мицкоски, ни Јанушев, ни Александар Николовски. Ниту еден од најтесното раководство на ВМРО-ДПМНЕ не е во парламентарните клупи. Тоа значи дека некој стратешки можеби размислувал, тие луѓе да не бидат изгорени при гласање во Парламентот на уставни измени во Република Македонија, рече Ефтов.

Според него, името „Северна Македонија“ нема да биде долгорочно решавање на македонското прашање.

-Име „Северна Македонија“ не значи трајно решавање на македонското прашање. Име „Нова Македонија“ би било трајно решавање“, посочи Ефтов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.