Во Германија најтопли пет месеци во изминатите сто години

Долготрајната суша во Германија, поради недостигот на врнежи, ги загрижи земјоделците низ целата земја, така што многумина се жалат и пријавуваат штета во милијарди евра до федералната влада.

Периодот од пет месеци од април до август оваа година ќе биде најтоплиот и најсушен период за Германија од 1881 година, откако се следат временските прилики.

– Летните температури се регистрирани низ цела Германија од април, а експертите ќе видат до крајот на август дали овие услови достигнаа рекордни нивоа, рече портпарол на германската метеоролошка агенција.

– Постои тренд што води во таа насока, додаде портпаролот.

Сепак, при пониски температури што се очекуваат кон крајот на месецот, температурата забележана во летните месеци, од јуни до август, не изгледа дека ќе го урнат рекордот на т.н. „ Лето на столетието” од 2003 година, напоменуваат од агенцијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.