Ѓоковиќ: Вредеше да се чека за овој момент

Најдобар српскиот тенисер Новак Ѓоковиќ по освојувањето на трофејот на Синсинати и комплетирање на „Златниот Мастерс“ рече дека вредело да се чека и оцени дека можеби нереално брзо се врати на високо ниво по операцијата.

– Ова е навистина посебен момент за мене. Првпат стојам овде со победничкиот трофеј по пет изгубени финалиња. Вредеше да се чека за овој трофеј кој ми недостасуваше. Тешкиот период по операцијата е зад мене. Можеби не е реално што толку брзо по рехабилитацијата го освоив Вимблдон, а сега и Синсинати, рече Ѓоковиќ.

По победата над Федерер во синоќешното финале, Ѓоковиќ е првиот во историјата со освоени трофеи на сите Мастерс турнири.

Покрај тоа има и трофеи на сите (четири) Грен слема, како и шампионски пехар од Дејвис купот со репрезентацијата на Србија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.