Трагедија попладнево кај Сплит: Гром усмртил момче додека бил во морето, девојка му била до него

Гром усмртил 25-годишен сараевчанец додека бил во море, во Хрватска. Тој бил во Далмација на летување, а за време на трагедијата која се случила околу 18 часот, неговата девојка била веднаш до него. За чудо, таа не настрадала. Парот се наоѓал на плажа во местото Подстрани кај Сплит.

Таа веднаш почнала да го извлекува, надевајќи се дека има шанси да се спаси. Претрчале и други луѓе за да помогнат, но не успеале да го вратат во живот.

– Громот удри во морето. Слушнав крик и тогаш сфатив дека се случи трагедија, кажал очевидец на настанот.

На ударот од гром му претходело невреме со грмотевици.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.