Поминаа и кај нас: Сакаа да докажат дека луѓето не се злобни, ги убија во терористички напад

На крајот на своите дваесетти Џеј Остин и Лорен Гејган сфатиле дека залудно го трошат времето и решиле да го сменат животот. Дале откази на работа и тргнале во авантура.

Своето патување го бележеле на Инстаграм, а минале и низ Македонија, Хрватска и Албанија, и уште 10 земји, додека не стигнале до Таџикистан. Тука минале неколку дена и правеле повеќе паузи отколку што очекувале, бидејќи теренот е многу тежок за минување со велосипеди.

Back in Africa and western Europe we’d cycle across maybe one country each month. Here in the small Balkan states, it’s been several per week. ⏩⏩⏩

A post shared by Jay Austin (@simplycycling) on May 15, 2018 at 12:04pm PDT

Како што за време на своето патување потврдиле за Њујорк тајмс, тргнале со отворено срце и сретнувале прекрасни луѓе, кои биле спремни да им помогнат и да се дружат со нив.

„Ако читате весници веројатно ве навеле да верувате дека светот е едно големо, страшно место. Не верувајте на она што го пишуваат, дека луѓето се лоши и зли. Злото е концепт кој е измислен само затоа што не можеме да се соочиме со луѓето кои имаат поинакви вредности и верувања. Луѓето се љубезни и прекрасни“, напиша Џеј на својот блог.

За време на возењето на 29 јули ги престигнал автомобил од кој излегле петмина припадници на Исламска држава и ги убиле. Со нив настрадале и двајца велосипедисти од Швајцарија и Холандија, пренесува Си-би-ес њуз.

Day 365. 4,655 meters; 15,272 feet. With the steep grades and thin air (and intermittent snow), this was probably the hardest climb of my life. The last kilometer or so had me pushing my bike about five steps, taking a thirty-second breather, then heaving forward another five. Really glad I did it. No need to ever do it again.

A post shared by Jay Austin (@simplycycling) on Jul 25, 2018 at 5:08am PDT

Два дена подоцна тоа го потврдија и припадници на екстремистичката организација, кажувајќи дека убиле „неверници“.

Голем број медиуми врз основа на инстаграм постовите ја конструираа целата приказна околу Остин и Гејган, наведувајќи дека всушност биле на мисија за докажување дека светот е прекрасно место и дека биле на територијата на Исламска држава за тоа да го докажат, за што нема никакви докази освен постови извлечени од контекст.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.