Клаудио Маркизио се раздели со Јувентус по 25 години поминати во клубот, објави „Старата Дама“ на својот официјален сајт. Италијанскиот гигант и Маркизио заеднички се согласиле договорот на играчот да биде раскинат.
Триесет и две годишниот Маркизио е дете на Јувентус и е дел од фудбалската академија на клубот од 1993 година. Во првиот тим од Торино е од 2005 година. Маркизио има одиграно 389 натпревари и постигнато 37 голови за Јувентус. За репрезентацијата на Италија има 55 натпревари и пет голови.
Јувентус му се заблагодари на Маркизио за неговата верност и пожртвуваност. Играчот од средниот ред, исто така, остана во клубот откако испадна во Серија „Б“ во 2006 година.
– Ти благодараме за сè, Клаудио! Ти посакуваме се’ најдобро, напиша Јувентус на својата официјална веб-страница.
Маркизио има седум последователни италијански шампионати со Јувентус во периодот меѓу 2011 и 2018 година. Тој, исто така, ја освои Серија „Б“ во сезоната 2006-2007. Маркизио има три италијански Супер Купа и четори италијански Купови со дресот на тимот од Торино. Тој е, исто така, освојувач на сребрениот медал од Евро 2012 со „азурите“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Последни
-
Сензационално: Северина се разведува од Игор, поради познатата водителка!
-
Фатална сообраќајка кај Струмица: Со „Корса“ излетал од патот, загинал на лице место
-
Шон Пен во Истанбул: Ќе снима документарец за убиениот новинар Џамал Кашоги (видео)
-
Димитров: Зборовите „нација со комплекс“ се извадени од контекст