Мостот во Џенова го урна и газдата на Бенетон

Компанијата „Автопати на Италија“, која управувала со мостот во Џенова кој се урна од удар од гром, му припаѓа на концернот Атлантија, зад кои, меѓу останатите, стои и Бенетон.

Ова семејство на италијански индустријалци – познато по истоимената модна марка – има 30% удел во концернот и е најголем акционер.

Атлантија минатата година оствари нето-добивка од 1,7 милијарди евра и обрт од 5,97 милијарди евра, пишува германски Билд. Оваа компанија управува со повеќе од 5.000 км автопатишта, главно во Италија, но и во Бразил, Индија, Чиле и Полска.

Италијанската влада смета дека за уривање на надвозникот одговорна е „Автопати на Италија“ и има намера да ѝ ја земе дозволата.

Атлантија денеска соопшти дека начинот на кој италијанската влада најавува дека пред крајот на истрагата ќе ѝ ја одземе концесијата на „Автопати на Италија“, ќе им нанаесе штета на инвеститорите во оваа инфраструктурна група и порачува дека за раскинување на договорот за концесија треба да се утврдат конкретни пропусти во работењето на компанијата и причината за уривањето на мостот.

Во меѓувреме, медиумите веќе јавуваат дека Атланитја денеска имала проблеми на берзата, а бројот на настрадани веќе е 39.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.