Бидете ми светло во тунелот: Турунџиева со емотивна посвета за веридбата на ќерката

Познатата пејачка, водителка и писателка Сузана Турунџиева со емотивна порака ѝ ја честита веридбата на ќерката Лора.

– Животот никогаш не ми даде трошка време да се припремам ни за тагата, ни за радоста.. Нека биде радост! Доста беше тага.. Лора и Филип, бидете големи и несебични во љубовта, добри и благородни во срцата и бидете ми светло во тунелот кое никогаш нема да згасне – напиша таа.

Лора се вери со Филип Наунов кој ја запроси филмски со огномет покрај базен, а романтичното видео веднаш го сподели и на социјалните мрежи.

Ќерката на Турунџиева првпат се најде во фокусот на медиумите пред две години со емотивното отворено писмо адресирано до нејзиниот татко, поранешниот македонски пливач Александар Маленко со кого подолго време немаше остварено контакт.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.