Двајца повозрасни велешани повредени во сообраќајка

Две лица се повредени во сообраќајна несреќа што вчера околу 13:00 часот се случила на улицата „Ристо Попов“ во населбата Превалец во Велес.

Во сообраќајната незгода учествувале патничко моторно возило „Фиат Пунто“ со велешки регистарски таблици управувано од С.Д.(53) од Велес и патничко моторно возило „Киа Рио“ со велешки регистарски таблици управувано од Н.С.(62) од Велес.

Во незгодата, информираат од МВР, со повреди се здобиле возачот на возилото „Фиат Пунто“ и сопатникот Б.Д.(57) кои со возило на Итна медицинска помош биле пренесени во Јавната здравствена установа Општа болница – Велес и биле задржани на понатамошно лекување.

Извршен е увид на местото на настанот и се работи на целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.