Опожарен автомобил во Ченто и стан на „Партизанска“

Еден автомобил рано изутрината бил запален на улицата „Методија Андонов Ченто“ бр. 161 во Скопје.

Како што информира командантот на Бригадата за противпожарна заштита на Град Скопје Звонко Томески случајот бил пријавен на „193“ во 3:05 часот изутрината, а пожарот бил изгаснат во 4 часот.

– Опожарени се делови од возилото и причинета е материјална штета од околу 60 илјади денари. Интервенирано е со едно возило и со четири пожарникари, изјави Томески.

Противпожарната бригада на Град Скопје изутрината во 2:40 часот интервенирала и во стан на булеварот „Партизански одреди“ во Скопје. Поради запалена електрична инсталација биле опожарени два метри квадратни и причинета е материјална штета од девет илјади денари.

Случајот бил пријавен на „193“, а во гаснењето на пожарот учествувале три пожарникари со едно возило.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.