Договорот за името ќе се објави во Службен весник по референдумот

Претседателот на Собранието, Талат Џафери, најверојатно нема да го прати Законот за ратификација на договорот со Грција пред да се одржи референдумот.

– Ако се има предвид дека граѓаните треба да се изјаснат на референдум за ова, сметам дека е посоодветно да се почека резултатот од референдумот, а потоа да се објави – рече Џафери на денешната средба со новинарите.

Одлуката за референдум е веќе објавена во Службен весник. Тој појасни дека кампањата за референдумот ќе почне на 10 септември и во неа ќе учествуваат сите кои се заинтересирани, политичките партии, Владата, невладините организации… со нивните ставови за или против.

Кои се следните чекори, што ќе се случи ако референдумот успее, дали ВМРО-ДПМНЕ ќе ги поддржи уставните измени и што во спротивно ако нема цензус, Џафери рече дека сака да се оди чекор по чекор без да се зборува предвреме за тоа што би било кога би било.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.