Ја тепаше Витни Хјустон, а сега Боби Браун ќе гради прифатилиште за жртви на семејно насилство

Боби Браун има намера да изгради прифатилиште за жртвите на семејно насилство во чест на својата покојна ќерка, за која се верува дека починала откако нејзиното момче Ник Гордон ја претепал.

Установата ќе се гради во Соут Фултон, Џорџија, САД.

Инаку, Браун и самиот своевремено го следеа контроверзии дека ја тепал поранешната сопруга, сега веќе починатата Витни Хјустон, со која се разведе во 2007 година.

Ќерката на Браун, Боби Кристина беше пронајдена без свест во својот дом во 2015 година, а почина по шест месеци минати во кома. Гордон беше обвинет за напад врз неа, но и за други кривични дела. Судот во 2016 година одлучи тој да исплати 36 милиони долари отштета.

Според плановите, „безбедната куќа“, како што Браун го нарекува прифатилиштето, треба да има телефонска линија за интервенции, којашто ќе работи 24 часа и ќе биде „итно транзиционо засолниште”.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.