Фејсбук блокираше страници со лажни вести

Фејсбук ја блокираше мрежата од страници преку која членовите на десничарската бразилска група Движење за слободен Бразил ширеа лажни вести.

Блокирањето на страниците е една од мерките на бразилските власти за борба против ширењето лажни вести пред изборите кои ќе се одржат во октомври.

Вкупно биле блокирани 196 страници и 87 профили заради, како што е наведено, „кординираното учество во мрежа која погрешно ја претставувала природата и потеклото на нејзините содржини, а со цел дезинформирање и создавање на поделби“.

Движењето за слободен Бразил стана познато, откако во 2016 година ги предводеше протестите против поранешната бразилска претседателка Дилма Русеф.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.