Остани силен – Салах со емотивна порака до голманот Кариус

Откако направи две неверојатни грешки во мајското финале во Лигата на шампионите, голманот на Ливерпул, Лорис Кариус повторно имаше нов кикс во претсезоната, по што се најде на мета и беше навредуван за своите голмански грешки.

Но, првата ѕвезда на Ливерпул, Мохамед Салах застана во одбрана на својот клупски соиграч и на Кариус, како голем човек, му порача да ги игнорира хејтерите.

– Остани силен Кариус, им се случуваат вакви работи и на најдобрите. Игнорирај ги хејтерите, напишал Салах на Твитер.

Во одбрана на Кариус, застана и легендарниот шпански голман Икер Касилјас.

– Ќе запрат ли еднаш нападите над Лорис Кариус? Зборувам за него, како за сите други голмани. Има многу поголеми проблеми во светот. Оставете го момчето на мира. Тој е човек. Сите ние сме, напишал Касилјас.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.