Влегол во автобус со нож и ги нападнал патниците – напад во Германија

Еден маж вооружен со нож во германскиот град Либек нападнал луѓе во автобус, јавува „Билд“.

Германската полиција објави на Твитер дека никој не бил убиен во денешниот инцидент и дека сторителот е приведен.

– Имаше инцидент во градски автобус во Либек, соопшти полицијата во државата Шлезвиг-Холштајн, каде се наоѓа тој град.

– Повредени се осум луѓе, од кои тројца се со сериозни рани, изјави портпаролка на полицијата за ДПА.

Претходно германски медиуми јавија за 14 повредени откако маж нападнал луѓе во градски автобус.

Германскиот локален весник Либекер Нахрихтен пренесе изјава од јавниот обвинител Ула Хингст која вели дека „ништо не е исклучено, вклучително и дека тоа е терористички напад“.

Извор: МИА

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.