Јакимовски: Се претера со остапките што ги дадовме, oва е крајно понижувачки

Во синоќешното гостување во емисијата „Ѕид“, лидерот на политичката партија ГРОМ, Стевчо Јакимовски истакна дека членството во НАТО е чисто политичко прашање. Според него, изјавата на Столтенберг прво да се промени името, па потоа ќе имаме влез во НАТО, е само една закана од негова страна.

– И со овакви притисоци тие само го иритираат овој народ. Се претера со остапките што ги дадовме. Да менуваме Устав, институции и имиња и историја ние допрва ќе имаме проблеми. Ова ќе биде само една фаза од нашето разнебитување. Јас сум убеден дека одговорот на граѓаните ќе биде соодветен на притисокот кој ни го прави. Ова е крајно понижувачки начин и никој не добил вакво понижување па дури и држави кои губеле војна и капитулирале, рече Јакимовски.

Тој притоа додаде дека реформите се потребни за нас, но и дека политичкиот дијалог е многу важен. Според него начинот како се однесува Заев и СДСМ ќе ги отурнат од себе и оние неутралните. Јакимовски вели дека е уверен дека референдумот нема да пројде и дека народот нема да излезе.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.