Французите дивееја по победата во Париз, полицијата одговори со солзавец (видео)

Милиони Французи вчера долго во ноќта ја славеа победата на својата репрезентација во полуфиналето на Светското првенство во Русија против Белгија. Шанзелизе беше преполн со навивачи кои по победата и пласманот во финалето, во кое ќе играат против Англија или Хрватска, излегоа на улиците и плоштадите, со развеани француски знамиња.

Но славењето на улиците на Париз отиде предалеку и на крајот дојде до судири меѓу разузданите навивачи и интервентната полиција. Полицијата употреби и солзавец за да ја разбрка толпата која дивеше во центарот на престолнината, а навивачите гаѓаа со факели, шишиња, камења и сѐ што ќе им се најдеше при рака.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.