Поради отворено боледување од вчера судијата Осман Шабани денеска не се појави на работа и од тие причини беше одложено судското рочиште за случајот „Монструм“.
-Се служите со истите финти како и претходниот судија – реагираа бурно семејствата на убиените.
На денешното судско рочиште требаше да сведочи заштитениот сведок Е1, чие сослушување беше одложено минатата недела поради недостиг на технички услови за покривање на лицето и модификација на гласот на сведокот.
Следните две рочишта се закажани за 22 и 24 август.
Кај Смилковското езеро во април 2012 година беа убиени пет луѓе, а за тоа на доживотен затвор беа осудени шестмина.
По враќањето на предметот на повторно судење, тие се бранат од слобода.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
