Џафери: Законот за јазици и Договорот со Грција ќе одат во пакет во Службен весник

Имајќи ги пред вид датумот за преговори со ЕУ и најавата за покана од НАТО по потпишувањето на договорот со Грција, претседателот на Собранието Џафери вели дека очекувал дека претседателот Иванов ќе го потпише Указот.

Затоа, како што објасни, се уште не го испратил Законот за јазиците на објавување во Службен весник, сметајќи дека однесувањето на Иванов нема да стане пракса.

Тој најави дека најверојатно ќе ги испрати двата Закони, за јазиците и за Договорот со Грција, во пакет во Службен весник. Џафери го повтори ставот дека Иванов не може да се меша во законодавната власт и да ја нарушува поделбата на власта во Македонија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.