Лутото бебе Трамп ќе лебди над Лондон (фото)

Џиновски балон со ликот на американскиот претседател Доналд Трамп како налутено бебе ќе лебди над Лондон за време на неговата официјална посета на Британија, закажан за 13-ти јули.

Управата на лондонскиот регион денеска го одобри барањето да се дозволи поставување на портокалов балон, висок шест метри, во близина на зградата на Британскиот парламент, по петицијата под наслов „Дозволете му на бебето Трамп да лета“, која собра повеќе од 10 000 потписи.

Лондонските власти првично не го одобрија летањето на балонот во форма на Трамп како бебе со пелени, фризура и паметен телефон, наведува „Политико’“ во своето европско издание.

Меѓутоа, Лео Мари, лидер на групата, која стои зад идејата за балонот и петицијата, рече дека градот, поради бројот на потписи на петицијата, очигледно „повторно ја открил својата смисла за хумор“.

Додека балонот лебди, предвидена е и протестна прошетка во центарот на Лондон, а активистите, кои го создадоа балонот изразија надеж дека „бебето Трамп ќе го однесат на пат околу светот“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.