Џафери му порача на Иванов дека е должен да го потпише Преспанскиот договор

Во отсуство на опозицијата Собранието со мнозинство пратениците, или 69 гласа „за“ го донесе Законот за ратификација на Договорот со Грција во трето читање откако претседателот Ѓорге Иванов одби претходно да го потпише указот. Овој пат беа присутени 70 пратеници во собраниската сала, но еден, пратеникот Ферид Мухиќ, гласаше воздржано.

Пред гласањето претседателот на Собранието, Талат Џафери, му порча на претседателот дека овој пат е должен да го потпише.

-Претседателот на Република Македонија е должен да го потпише указот доколку собранието го донесе законот со мнозинство од 61 пратеници во трето читање – рече Џафери.

На потег е Иванов, кој во неколку наврати најави дека ќе го употреби т.н. џебно вето и дека и покрај обврската која му ја наложува Уставот, повторно нема да го потпише указот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.