Соопштение од МВР за рацијата: Газдата на „Сектор“ бил уапсен затоа што не почитувал полициска наредба

По полициската акција  која била спроведена ноќеска во неколку скопски клубови, а на која огромен број на граѓани реагираа за несоодветната употреба на сила на полицјата, МВР денеска објави соопштение. Според него, сопственикот на Сектор, Огнен Узуновски Оги, во соопштението наведен со иницијали О.У. (44), бил уапсен во вчерашната полициска акција, затоа што се спротивставил на полицијата. Во продолжение сооптението на МВР го пренесуваме во целoст:

– Извршена акциска контрола во угостителски објекти во Скопје nа 01.07. 2018 година во временскиот период од 01:15 до 03:30 часот, од страна на СВР Скопје во кординација и содејство со Државниот инспекторат за труд, Управата за јавни приходи и Државниот пазарен инспекторат беа спроведени акциски контроли во седум угостителски објекти на подрачјето на град Скопје, лоцирани во градскиот парк и неговата поблиска околина.

– Од страна на СВР Скопје преземени се следните мерки и активности: легитимирани се вкупно 21 лице приведени се три лица и тоа: А.И. (25) од Скопје кој бил присутен како гостин во угостителски објект и кај истиот при личен преглед е пронајдено огнено оружје-пиштол „Берета“ со рамка со 10 (десет) куршуми; И.Р (33) од Скопје, кој бил присутен како гостин во угостителски објект и кај истиот при личен преглед е пронајдена паковка со непозната прашкаста материја; и О.У. (44) од Скопје, сопственик на угостителскиот објект, кој одбил да ја почитува наредбата издадена од полициските службеници и се спротиставил на превземање на службени дејствија. Истотака во еден од објектите се затеканати и шест малолетници лица кои се приведени во ПС Карпош заради утврдување на идентитет. Кај пет лица кои работеле како обезбедување било утврдено дека не поседуваат лиценци.

– Од страна на Државниот инспекторат за труд, во сите контролирани угостителски објекти констатирано е дека работат без соодветна документација за вршење на угостителска дејност издадена од Министерство за економија на Република Македонија , додека од страна на УЈП во два угостителски објекти констатирана е разлика во прометот во готово и прометот во фискалните каси , по што на истите им е изречена забрана за вршење дејност во траење од 15 денови.

– Регистрирано е и едно кривично дело „Напад врз службено лице при вршење на работи од безбедноста“ при што се повредени двајца полициски службеници. Поточно, при преземање на мерки, односно приведување поради сомнение за претходно нарушен јавен ред и мир, лицата С.М. (34) и Б.С (18), двајцата од Скопје физички ги нападнале униформираните полициски службеници, при што им нанеле телесни повреди. Лицата се лишени од слобода и против истите ќе биде поднесена кривична пријава по член 383 од КЗ на Република Македонија.

– За спроведувањето на акциските контроли направена е претходна проценка за бројот на присутни лица, како и околностите во кои тие се спроведуваат, заради што се ангажирани соодветен број на полициски службеници кои постапувале согласно процедурите и законските одредби. Доколку се воочат евентуални недоследности, Одделот за внатрешна контрола и професионални стандарди ќе превземе соодветни мерки.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.