Еден пешак е тешко повреден во една сообраќајна несреќа, а 10 се полесно повредени во пет сообраќајки што се случиле на подрачјето на Скопје во изминатите 24 часа. Во девет сообраќајки е причинета материјална штета.
Со поголема брзина од дозволената возеле 52 возачи, а од сообраќај се исклучени 18 возачи пред да се стекнат со правото за управување со возило, пет возачи почетници и 17 нерегистрирани возила.
На црвено светло на крстосница поминале тројца возачи, а четворица не им дале првенство на минување на пешаци на пешачки премин.
Од страна на сообраќајната полиција издадени се 116 казни за непрописно паркирање, а со специјалното возило „пајак“ подигнати се 81 возило.
Седум возачи на мотор, мопед и мотоцикл не користеле заштитен шлем додека возеле.
Во изминатото деноноќие преземени се мерки и против 15 пешаци кои не ја поминале улицата на обележан пешачки премин, а тројца пешаци поминале улица на црвено светло.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
