„Пуцко Петрол“ ќе го снабдува ЈСП со нафта: Градоначалник од ДУИ „лапна“ тендер вреден 15 милиони евра

Јавното сообраќајно претпријатие во наредните две години со дизел ќе се снабдува од „Пуцко Петрол”, компанија на градоначалникот на Пласница од ДУИ, Исмаил Јаовски. Вредноста на овој тендер е 944 милиони денари или повеќе од 15,3 милиони евра, објави МКД.мк.

Претходно, во декември минатата година, тендерот на Министерството за одбрана за набавака на мазут исто така го доби компанијата „Пуцко петрол” ДООЕЛ од село Пласница, но според Републичката комисија за енергетика „Пуцко петрол” не ги исполнувал основните услови за учество на овој тендер.

Во декември минатата година Министерството за одбрана го раскина договорот со „Пуцко петрол“ за снабдување со мазут поради немање лиценца за трговија со мазут. Тогаш Регулсторната комисија за енергетика објави дека „Пуцко петрол“ без лиценца за мазут снабдувал и други државни институции – Министерство за внатрешни работи, општите болници во Гостивар и Гевгелија, Државниот студентски дом во Скопје, општина Битола…

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.