Теарце: Украл пиштол од дом на старица, па ја заклучил во куќата, мајка му го пријавила во полиција

СВР Тетово поднесе кривична пријава против Ј.Ќ. (38) од село Нераште, тетовско, поради постоење основи на сомнение за сторени кривични дела „разбојничка кражба”, „противправно лишување од слобода“ и „загрозување на сигурноста”.

Во петокот, околу 06.30 часот во село Теарце, тетовско, во домот на В.Ѓ. (69), пријавениот откако одзел гасен пиштол со него упатил закани по животот кон неа, по што ја заклучил во куќата.

Потоа, пријавениот се вратил во неговиот дом каде започнал расправија со неговата мајка Ш.Ќ. (71), по што таа пријавила дека била психички малтретирана од него. По преземени мерки, пријавениот бил лишен од слобода, му бил одземен пиштол „МД92ФС БЛОУБЕК”, а во разговор во полициска станица ги признал делата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.