Скопјанец дивеел во кафеана во Драчево: Кршел и превртувал маси, си удрил чаша од глава и завршил во болница

Вчера во 20.10 часот во Полициската станица Драчево, Е.Џ. (43) од Скопје пријавила дека истиот ден околу 18.20 часот во угостителски објект во нејзина сопственост на ул. „Бранко Заревски“, Ж.А. (28) од Скопје го нарушил јавниот ред и мир.

Според пријавеното, тој бил под дејство на алкохол и во еден момент почнал непристојно да се однесува, да превртува маси и да крши чаши. Една чаша скршил од својата глава и се повредил, по што со возило на Итна медицинска помош бил пренесен во Градската општа болница „Св.Наум Охридски “.

По укажаната лекарска помош, тој бил пуштен на домашно лекување. Увид на местото на настанот извршила екипа од СВР Скопје. Се преземаат мерки за целосно расчистување на случајот.

(фото – илустрација)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.