Друштвото на писатели на Македонија денеска ја одржува традиционалната манифестација „Празник на липите“. Во свечениот дел без врачени наградите „Книжевно жезло“ за исклучителен поетски опус на домашниот автор Видое Видичевски и на поетот од Романија Ѓеорѓе Добре.
За поезијата на Видичевски говореше Раде Силјан, а за поезијата на Добре – Ермис Лафазановски. Исто така, на манифестацијата се врачува и награда и плакета на поетесата Мирјана Тренчева, добитник на наградата „Даница Ручигај“ за изминатата година.
Подоцна следува поетскиот митинг на кој ќе бидат читани песни и есеи испратени на анонимниот конкурс на ДПМ и ќе бидат врачени плакети на авторите чии дела се избрани како најуспешни од страна на стручното жири.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
