Народот застана зад претседателот на Република Македонија

Со патриотски песни, знамиња и пораки против промената на името и вечерва се одржа протест пред Собрание на Република Македонија.

Демонстрантите потоа се упатија кон резиденцијата на претседателот Ѓорге Иванов, за да му дадат поддршка.

– Нема компромис. Едно име имаме. Македонија, извикуваа демонстрантите пред резиденцијата на Иванов.

Тие го повикаа претседателот Ѓорге Иванов да се одважи и не се плаши, порачувајќи му дека ќе го бранат, како што тој ги поддржува.

Демонстрантите велат дека договорот за името со Грција е штетен и дека не смее да се преговара за името.

На демонстрантите не им беше дозволено да се качат до резиденцијата, полициски кордон застана пред нив и тие се собраа на крстосницата пред претседателската резиденција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.