Со „Рено Твинго“ излетал од патот и се забил во потпорен ѕид, возачот итно пренесен на скопските клиники

На регионалниот пат с. Софилари – Штип, во понеделникот патничко возило „Рено Твинго“ со штипски регистарски ознаки, управувано од Д.А. (65) од Штип, излетало надвор од коловозот и удрилo во потпорен ѕид.

Од ударот возачот се здобил со тешки телесни повреди и со возило на Итна медицинска помош бил пренесен во Клинички центар Штип, каде му била укажана лекарска помош, но поради сериозноста на повредите бил препратен во комплексот клиники „Мајка Тереза“ Скопје.

Увид на местото на настанот извршила екипа од СВР Штип.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.