„БMВ“- то на Адеми преку полна лента: Пратеникот на ДУИ направи сообраќаен прекршок пред полицијата и замина неказнето

Пратеникот од редовите на ДУИ, Џеват Адеми во текот на вчерашниот ден направил сообраќаен прекршок пред очите на целата јавност.

Репортерите на Газета Експрес направиле видео запис како пратеникот Адеми со своето возило марка ΒΜW не ги почитува законите и покрај огромното полициско присуство. Ваквиот чин на Адеми воопшто не го привлече вниманието на полицијата и пратеникот помина неказнето.

Сепак на видеото се забележува дека иако полицијата не реагираше на ваквиот прекршок, реагираа другите револтирани возачи кои со помош на своите свирки го укорија Адеми.

За потсетување, ова не е прв настан каде висок функционер на ДУИ поминува неказнето за сообраќаен прекршок. Граѓаните се сеќаваат на настанот со ,,пајакот’’ кога беше физички нападната полицајката која се обиде да го казни Бекир Асани за непрописно паркирање. Асани ниту беше казнет за физичката пресметка со полицајката, ниту за непрописното паркирање.

Deputeti i BDI-së shkel rregullat e komunikacionit on Vidnews.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.