СП 2018: Со автогол во последните моменти од мечот, Иран стигна до минимална победа над Мароко

Екипата на Иран во последните секунди од натпреварот против Мароко стигна до минимална победа од 1-0 во групата Б на Светското првенство во Русија.
Мароканскиот фудбалер Азиз Бухадуз постигна автогол во 95 минута, откако со глава погоди во сопствената мрежа.

Двете репрезентации во текот на натпреварот имаа по неколку шанси. Мароканците имаа поголема контрола на теренот, но Иран се покажа опасен во контранападите.

Натпреварот беше во голема мера рамноправен за што говори и статистиката од средбата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.