| четврток, 6 декември 2018 |
English Shqip

Осудениот гинеколог Дамчевски избегал од државата

Мицкоски: Ме боли и ме пече темата за името

Скуридис: Зборот Македонија е извор на зло

Пред да замине од Македонија, Груевски им пишал на Хан, Могерини, Мијатовиќ и Дол

Русија – Саудиска Арабија го отворија Мундијалот (ГАЛЕРИЈА)

Фудбал 14.06.2018 18:32 | Република Online

Дваесет и првото Светско фудбалско првенство ќе се отвори со дуелот меѓу домаќинот и репрезентацијата на Саудиска Арабија, мечот се игра  на стадионот Лужњики во Москва, а стартот е во 17 часот. На Мундијалот настапуваат 32 селекции во текот следниве триесет дена ќе се одиграат 64 натпревари кои ќе се играат на 12 стадиони.

На еден ден пред стартот на првенството најголеми шанси за освојување на титулата букмејкерите им даваат на Германија и Бразил, следуваат Аргентина и Франција.

Наградниот фонд на првенството изнесува 400 милиони долари, секој од учесниците ќе инкасира почетни осум милиони, а освојувачот на титулата ќе добие бонус од 38 милиони додека финалистот ќе заработи десет милиони долари помалку. Финалниот натпревар како оној на отворањето ќе се игра на Лужњики, а решавачката битка за титулата е на 15 јули.

 

На легендарниот стадион „Лужњики“ во Москва најпрвин Икер Касиљас во друштво на рускиот модел Наталија Водионова ја претстави златната „Божица“ која ќе ја освои победникот на 21. Светско првенство.

Говор за добредојде на сите гости одржа и претседателот на Русија Владимир Путин а на отворањето пееше светската мега ѕвезда Роби Вилијамс во дует со сопранот Аида Гарифулина:

Репрезентациите од Јужна Америка ќе се обидат да ја прекинат доминацијата на националните тимови од Стариот континент кои триумфираат на последните три Мундијали, а јужно-американците ќе се обидат конечно по пауза од 60 години да ја слават титулата на европско тло. Последен пат репрезентација од овој дел на светот на шампионатите славел во 2002 кога Бразил беше шампион во Јапонија и Јужна Кореа, а Кариоките се единствена селекција која пред шест децении во Шведска триумфираше на Светски куп одржан во Европа.

 

„Драги пријатели, ги поздравувам сите присутни на стадионот во Москва на стартот на Светското првенство. Ги поздравувам и сите оние кои не гледаат преку телевизија и интернет. И го честитам на нашата нација почетокот на најголемиот турнир на планетата.

Овој грандиозен настан првпат се одржува во Русија и среќни сме поради тоа. Фудбалот кај нас навистина се сака и тоа е љубов на прв поглед. Сторивме се за сите да може да уживаат и максимално да се посветат на натпреварите. Каде и да живееме на крајот сите не обединува љубовта кон фудбалот. Сите заедно сме членови на овој тим и се чуствуваме едни со дурги. Ништо не може да влијае на ова, ни јазикот, ни верата. На сите тимови им посакувам успех а на навивачите незаборавни моменти“, рече Путин.

Космонаутите на меѓународната вселенска станица Роскомос ги поздравија навивачите во светот:


Претпладнево Саудискиот принц Мухамед ибн Салман слета во Москва да ја бодри својата репрезентација


Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Последни

Republika Online
Top