Грција ќе го поддржи договорот, ако националноста и јазикот на нашата земја се прилагодат согласно со новото име

Доколку во ревизијата на Уставот се вклучи и прилагодување на националноста и јазикот согласно со новото име и доколку поканата за интеграција во НАТО се достави по завршувањето на процесот, тогаш договорот би можел да биде прифатен, вели лидерката на Движењето за промена, Фофи Генимата, во однос на постигнатото решение меѓу Македонија и Грција.

– Договорот што го претстави владата е еден чекор, но не и комплетно решение. Има позитивни точки што одговараат на рамката поставена од Движењето за промена за да се реши прашањето со Скопје. Но, имплементацијата не зависи од Грција, туку генерално од постапките на соседната земја. Но, постојат и негативни точки и проблеми што може да ја оддалечат перспективата за одржливо и национално корисно решение, вели Генимата и објаснува дека ако националноста и јазикот на нашата земја се прилагодат согласно со новото име и поканата за НАТО дојде подоцна, тогаш тие би го поддржале договорот.

Како што јави дописничката на МИА од Атина, лидерката на Движењето за промена (коалицијата на ПАСОК, Демократска левица и Река) упати критики до владата и до опозициската Нова демократија за позициите во прашањето за името.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.