Димитров во Берлин на средба со Мас

Министерот за надворешни работи на Република Македонија, Никола Димитров престојува во работна посета на Сојузна Република Германија.

Димитров во Берлин ќе има средба со неговиот домаќин, министерот за надворешни работи на СР Германија, Хајко Мас, кој ја презеде должноста во март годинава.

За време на посетата, Димитров ќе се сретне и со Јан Хекер, советникот за надворешна политика на германската канцеларка Ангела Меркел, а ќе го посети и германскиот Бундестаг, при што ќе има обраќање пред членовите на Комисијата за европски прашања, соопшти македонското МНР.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.