Премиерите на Грција и Македонија, имале плоден разговор. Околу еден час, Заев и Ципрас разговарале за последните случувања и се согласиле да се слушнат повторно. Северна Македонија се чини дека е конечното решение, а прашањето за ерга омнес останува трн во око на преговорите во разговорот на Заев и Ципрас.
Министерот за надворешни работи Никос Коѕијас откри дека името Северна Македонија е избрано лично од премиерот Заев, а од предлозите на Нимиц, името Вардарска Македонија било одбиено од Македонија, а Македонија (Скопје) и Илинденска Македонија било одбиено од грчката страна, пишува Ифимерида.
На масата биле Горна Македонија, Нова Македонија и Северна Македонија, а Заев го одбрал името Северна Македонија. Коѕиjас за телефонскиот разговор на Заев и Ципрас “Денес беше одлучувачки чекор”, рече Никос Коѕијас, осврнувајќи се на телефонската комуникација меѓу Алексис Ципрас и Зоран Заев.
Министерот за надворешни работи, во изјава за „Контра“, рече дека македонскиот премиер веќе го избрал името што го преферира.
-Ако преговорите завршат утре, разговорот за името ќе биде завршен – рече тој, зборувајќи за разговорот на двајцата премиери.
-Тој го избра она што го сака, тој веќе го направи тоа – рекол Коѕијас, мислејќи на Заев.
Навистина, додаде тој, „читајќи ги записниците од претходните преговори, премиерот Заев рече дека ова е најдоброто име”.
Коѕијас истакна дека во договорот не постои двојно формула, тој повтори дека „македонскиот јазик“ постои од 1977 година, а коментира „несреќата на земјата е тоа што немала лева влада кога проблемот е создаден“. Сепак, тој истакна дека проблемите со ПЈРМ се подредени на главните геополитички и геостратешки проблеми што ги имаме со Турција.
-Го решивме уставниот проблем и возбуден сум што, е решено со иницијатива на Скопје, Мислам дека Црквата ќе биде наречена Охридска архиепископија, историско име што оваа вековна црква го носи со векови – рече Коѕијас.
Советот на министри за надворешни работи на ЕУ се состанува за две недели.
–Ако се ратификува договорот во нивниот парламент, ние ќе им дадеме на ОК, со големо задоволство, на нивниот европски пат – вели Коѕијас.
Црквата ќе се вика Охридска архиепископија, а решен е проблемот и со Уставот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
