Жбогар: Со нетрпение ги очекуваме резултатите од многу интензивните преговори

Решението на долгогодишниот спор меѓу Република Македонија и Република Грција ќе биде добро за двете држави, но и за Регионот и за цела Европа, изјави денеска амбасадорот на Делегацијата на ЕУ Самуел Жбогар за време на посетата на Националниот парк „Пелистер“ во Битола.

Според амбасадорот Жбогар, потребни се трепение и доверба за да тоа се случи.

– Сите тука со нетрпение ги очекуваме резултатите од многу интензивните преговори и разговори што се во тек. Мислам дека двете страни ќе може да изнајдат решение кое што освен за двете држави ќе биде добро за целиот Регион и цела Европа. За тоа да се случи ние мора да имаме трпение и доверба дека тоа ќе се случи, изјави Жбогар кој заедно со министерот за животна средина и просторно планирање Садула Дураку и постојаната претставничка на УНДП во Македонија Луиза Винтон го посетија Националниот парк „Пелистер“ во Битола.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.