Ученик нокаутираше професор на прослава на матурска вечер (Видео)

На матурска забава на едно училиште во Копривница ученик со рака го удри професорот, а хрватскиот портал„ еПодравина“ објави и видео од ударот.

После неколку часа славење и веселба, во средата околу 3 часот наутро на прославата била повикана брза помош. Имено, еден од професорите во училиштето бил удрен, а ударот му го задал еден од учениците, јавува „еПодравина“.

-Професорот се напил и почнал да ја соблекува маицата. Неколку пати паднал пред тоа поради алкохолот. Учениците тоа почнале да го снимаат, а него тоа го разлутило и бутна еден ученик, но тој дури не ни падна, малку само се заклати. Потоа ученикот одлучи да му врати па го удрил со шака. Тоа се случи внатре, а потоа учениците меѓу себе надвор се истепаа, додека повредениот професор крвав седеше на клупа и чекаше полиција, вели еден од сведоците.

Викната била брза помош и полиција, а порталот „еПодравина“ дознава дека наставникот имал и поголема количина алкохол во крвта.

Од полицијата пак информираат дека се уште трае криминалистичкото истражување врзано за овој случај.

Како што неофицијално објавуваат медиумите во Хрватска, 50 годишниот професор е во болница. Иако тежината на повредите не е позната, се претпоставува дека се работи за потешки повреди.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.