Османи: Исходот од преговорите во наредните часови или денови

Вицепремиерот за европски прашања, Бујар Османи, оцени дека преговорите околу името се во критична фаза, но дека и кај македонската и кај грчката страна има волја и ангажман за затворање на спорот за името.

Според него, „разликите се повеќе во интерпретацијата на напишаното отколку во генералните принципи што ги искажуваат страните во разговорите“.

„Мое чувство е дека повеќе разликите се во интерпретација на напишаното отколку во генералните принципи коишто ги искажуваат страните во разговорите. Сите меѓународни пријатели не охрабруваат и се обидуваат да го олеснат спорот, Сметаме дека е идеална прилика да се затвори прашањето бидејќи ќе ни го отвори процесот за НАТО, за преговори за ЕУ но, барам разбирање да бидеме внимателни во овој период оти во критичните чекори многу лесно е да се изместите. Да бидеме внимателни да чекаме каков ќе биде исходот во наредните часови и денови“, рече Османи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.