Владата на РМ – Генерален секретаријат деновиве распиша оглас за консултантски услуги детална длабинска анализа на финансиските, оперативно техничките и правните елементи на ски-центарот “Попова Шапка”, “Фабриката за шински возила Велес” и “11 Октомври Еурокомпозит” АД Прилеп, како и подготовка на документација за продажба на истите.
Проценетата вредност на договорот без ДДВ е 15.000.000 денари. Економски најповолната понуда ќе се избира врз база на критериумите: цена (60 бодови) и квалитет (40 бодови).
Со ски-центарот “Попова Шапка” веќе шест години стопанисува Друштвото за туризам, угостителство, рекреација и спорт “ЕЛЕМ турс” ДООЕЛ Скопје. Според актуелната состојба енергетската компанија Електрани на Македонија е единствен основач и содружник на ова друштво, од каде пак посочуваат дека оваа подружница од почетокот на формирањето на “ЕЛЕМ турс# ги пренесе кумулираните загуби од претходните години. Според нив во континуитет се создаваат загуби кои пак носат нови тешкотии во работењето. Тие стопанисуваат со хотелите Славија и Попова Шапка, како и ски-лифтовите и жичарницата.
На оваа тема неодамна се изјасни и премиерот Зоран Заев, кој посочи дека за развој на туризмот на Попова Шапка итно и се потребни странски инвестиции. Тој веќе најави дека сите хотели, жичниците, севкупната инфраструктура на Скијачкиот и туристички центар “Попова Шапка# ќе бидат понудени на продажба.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Последни
-
Сензационално: Северина се разведува од Игор, поради познатата водителка!
-
Фатална сообраќајка кај Струмица: Со „Корса“ излетал од патот, загинал на лице место
-
Шон Пен во Истанбул: Ќе снима документарец за убиениот новинар Џамал Кашоги (видео)
-
Димитров: Зборовите „нација со комплекс“ се извадени од контекст
