Евакуирани сите патници на аеродромот во Хамбург

Аеродромот во Хамбург во Германија е целосно блокиран, ниеден авион не слетува ниту полетува, јави агенцијата ДПА.

Портпаролката на аеродромот Стефани Хардер изјави дека на сите патници им е соопштено да го напуштат терминалот додека техничарите не го отсранат проблемот. Таа додаде дека не знае поради што голем дел од аеродромот е останат без струја и дека смета оти причината е електричен спој.

Аеродромот во Хамбург е петти по големина во Германија, а во недела од овој аеродром во просек полетуваат или слетуваат 200 авиони, наведува Асошиејтед прес.

Станува збор за аеродром во вториот најголем град во Германија, кој е исклучително прометен. Евакуацијата почнала претпладне околу 10 часот.

Годишно низ овој аеродром минуваат 17 милиони патници.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.