Внука го ограбила дедото, му одзела акт-чанта со 65.000 евра

Внука ја ограбила куќата на својот дедо на улицата „Јордан Џурнов“ во Велес и одзела акт-ташна со 65.000 евра и разновидна документација. Настанот вчера во СВР Велес го пријавил С.М. (68) кој посочил дека во периодот од 18. до 30 мај годинава непознат сторител извршил тешка кражба во неговата куќа.

Како што информира МВР, сторителката преку незаклучената влезна врата влегла на приземјето од куќата и со подесен алат го отворила катанчето од вграден ѕиден плакар од каде одзела акт-чанта со две шифрирани брави во која имало 65.000 евра и разновидна документација, по што заминала во непознат правец. Увид на местото извршила екипа од СВР Велес.

– Истиот ден во 21:00 часот во СВР Велес бил извршен разговор со 17-годишна малолетничка од Велес, внука на пријавителот, во присуство на нејзиниот татко и социјален работник. Во 21:30 часот полициски службеници во хотелска соба изнајмена од малолетничката пронашол и одзел чанта, која била оштетена и во која имало разни документи и поголема количина евра, соопшти МВР.

За настанот бил известен јавен обвинител и се преземаат мерки за целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.