Уредник возел без дозвола неоцаринето возило во Охрид, висок функционер на СДСМ го сместил во хотел

Возило БМВ му било одземено на С.И. (38) од Кратово во саботата во 20.40 часот во Охрид, откако при редовна сообраќајна контрола, полициски службеници утврдиле дека возел без дозвола неоцаринето возило.
На лицето С.И. му бил издаден Прекршочен платен налог по член 225 став 9 од Законот за безбедност на сообраќајот на патиштата. Околу 21.10 часот, со Потврда за одземени предмети, возилото БМВ било одземено поради сомнение за сторен прекршок по член 263 од Царинскиот закон на Република Македонија.

Членот 225 од спомнатиот закон ја регулира обврската на возачот да поседува важечка сообраќајна дозвола. Неофицијално, лицетот С.И., не поседувало возачка дозвола.

Неофицијално, Плусинфо јавува дека станува збор за уредник на портал кој се декларира како близок до СДСМ. Споменатиот портал пишува дека висок функционер на СДСМ лично се ангажирал да го смести уредникот, заедно со неговото семејство, во еден од охридските хотели, додека не се забошоти случајот и додека тој не си најде превоз за Скопје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.