Ненадејно се состанаа лидерите на Северна и Јужна Кореја, засега се кријат деталите

Лидерите на Северна и Јужна Кореја се состанаа во саботата во демилитаризираната зона меѓу двете земји, пренесоа агенциите.

Ова е втора средба меѓу јужнокорејскиот претседател Мун Џае Ин и севернокорејскиот лидер Ким Џонг Ун за еден месец.

Мун и Ким два часа зборувале на северната страна на селото на мирот Панмунџом, соопшти канцеларијата на Мун.

Резултатите од разговорите Мун ќе ги објави денеска, се додава во соопштението.

Средбата се случи во време кога двете страни се трудат историскиот самит САД – Северна Кореја сепак да се одржи.

Американскиот претседател Доналд Трамп во четвртокот го откажа самитот, закажан за 12 јуни, но подоцна навести дека тој сепак може да се одржи.

Ако дојде до средбата, Трамп и Ким ќе разговараат за денуклеаризација на Корејскиот Полуостров и намалување на тензиите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.