Скопјанец нападнат во Шутка: Му ја удирале колата со камења, го извадиле од неа и го нападнале

А.Е. (27) од Скопје вчера пријавил дека истиот ден околу 11.20 часот на крстосницата на ул. „Индира Ганди“ со ул. „Гвадалахара“ во општина Шуто Оризари Скопје, во моментот кога застанал со своето возило „Цитроен“, во кое бил со семејството и нивен роднината Н.Д. (26), неколку лица почнале со камења да фрлаат кон возилото и го искршиле предното ветробранско стакло и стаклото на предната лева врата.

После тоа, лицата го извадиле А.Е. од возилото и физички го нападнале. Во еден момент А.Е. успеал да им побегне, се качил во возилото и побегнал. Се преземаат мерки за пронаоѓање на сторителите и за расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.