Дескоска се сели во друго министерство, Образование оди кај ДУИ – Заев го стокми списокот на новата Влада

Премиерот Зоран Заев попладнево го испрати предлогот за промена на составот на Владата до Собранието на Република Македонија.

Досегашната министерка за образование Рената Тренеска Дескоска е предложена за нова министерка за правда, а за министер за образование нејзиниот актуелен заменик Арбр Адеми, кадар на ДУИ.

За министер за култура е предложен Асаф Адеми, кој доаѓа од Беса, додека за министер без ресор е предложен Бардул Даути, која доаѓа од ДПА.

Се очекува, седницата за реконструкција на Владата да се одржи во текот на следната недела.

Предлогот на Владата официјално утре изутрина ќе биде достапен на веб-страната на Собранието, информираат од таму.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.