Буфон за новиот ангажман: Ми треба една недела да донесам одлука

Легендарниот италијански голман, Џанлуиџи Буфон после 17 години одлучи да го напушти Јувентус, но се чини дека Италијанецот се уште не е подготвен за пензија. Како што пренесуваат италијанските медиуми, 40-годишниот Буфон би можел наскоро да ја засили екипата на француски ПСЖ.

Наводно, парижаните му понудиле договор на Буфон на две сезони и годишна плата од осум милиони евра, со клаузула после една сезона да може да го напушти клубот. Буфон за италијанските медиуми изјави дека се ќе знае за една седмица.

– ПСЖ? Потребни ми се седум дена да се смирам и да анализирам се. Тоа не се едноставни избори. Кога имате 40 години, не можете во истиот момент да носите такви одлуки. Ќе видиме што ќе се случи, изјави Џанлуиџи Буфон.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.